а б в г д ѓ е ж з ѕ и ј к л љ м н њ о п р с т ќ у ф х ц ч џ ш

ААА

Најдобар кредитен рејтинг (воглавно за државните обврзници), како индикатор за најдобар квалитет според оценката на Moody's и Standard and Poor's, двете водечки агенции за утврдување на кредитниот рејтинг во САД. За емитентот оценет со ААА се смета дека е најмалку можно да не ја исплати главнината и каматите.

Аверзија кон ризик

(Risk Aversion)

Степен до кој клиентот е подготвен да прифати ризик.

Адекватност на капиталот

(Capital adequacy)

Критериум со кој се регулира големината на капиталот на друштвата кои вршат работи со хартии од вредност.

Актива,Средства

(Assets)

С# она што е во сопственост на друштвото и она што друштвото го има како побарување. Паричните средства, вложувањата во хартии од вредност, паричните побарувања, суровините и акциите се тековни средства. Градежните објекти, опремата и земјиштето се основни средства. Патентите и goodwill-от на друштвото се т.н. невидливи средства.

Акција

(Share)

Сопственичка хартија од вредност која гласи на дел од основната главнина на акционерското друштво. Таа е пренослива хартија од вредност.

Акција без право на глас

(Non-voting stock)

Акции кои на сопственикот не му даваат право да гласа за деловните одлуки на друштвото или при изборот на директори.

Акционер

(Shareholder)

Лицето кое е сопственик на акциите. Сопственик се станува со запишување и уплата на износот по кој акцијата се продава.

Акционерски капитал

(Share capital)

Вкупниот број акции одобрени за издавање или веќе издадени од страна на едно друштво. Види уплатен капитал.

Акционерско друштво

(Joint stock company)

Друштво чиј основачки капитал е поделен на акции кои ги запишуваат и уплаќаат одделни акционери.

Акциска премија

(Share premium)

Разликата меѓу цената по која се продаваат акциите при издавањето (доколку е таа повисока) и номиналната вредност на акциите.

Американски потврди за депозит

(American depository receipts -ADR)

Потврди кои ги издаваат американските банки за да се олесни тргувањето со странски обврзници и акции во САД. Сопственикот на ваква потврда го задржува правото на сите дивиденди и капитални добивки што произлегуваат од определените хартии од вредност.

Амортизација

(Depreciation)

Намалување на книговодствената вредност на основното средство за време на неговата употреба или опаѓање на пазарната вредност на една валута.

Ангажиран капитал

(Capital employed)

Капиталот кој што се користи во работењето. Може да се однесува на нето активата, но често ги вклучува земените кредити и пречекорувања на сметките во банка.

Арбитража

(Arbitrage)

Купување и продавање на хартии од вредност на различни пазари за да се оствари профит од разликите во пазарните цени.